BIDEO JOKUAK HEZKUNTZAN / MINDOMO

Bideo jokuak eta hezkuntza bateragarriak al dira? Posible al da bideo jokuen bitartez hezkuntza bat ematea?
Horrelako hainbat galdera planteatu dira hezkuntzan eta haue ernatzuna ematen saiatu gara geure talde lanean, hona hemen  egindako lanaren laburpena edo eskema MINDOMO errekurtsoa erabiliz.


http://www.mindomo.com/view.htm?m=8b301cc0a1e84cc1af7cf81fef465e87

SCRATCH

Scratch-ari dagokionez, denbora falta dela eta, egingo genituzkeen pare bat ariketa proposatzea izango da geure lana.

Lehenik eta behin, aipatu, Jon Bustillo-rekin klasea izan aurretik ez nuela errekurtso honen berririk. Interesgarria iruditu zitzaidan hark aipaturiko gauza asko, horien artean aipagarriena, Scratch erabiltzaileen bataz-besteko adina oso gaztea dela.

Bestetik, oso erabilgarria iruditu zitzaidan baliabide hau.Gainera, Haurrak gero eta erraztasun handiagoak dituzte ordenagailuak menderatzen, beraz ariketa aproposak planteatu daitezke hauekin gauzatzeko.

Interesgarria iruditu zitzaidan, eta dibertigarria bide batez, Jon Bustillorekin egin genuen joko sinple bat. Bide bat definitu genuen fondo beltz batean, ondoren pilota bat kokatu genuen zirkiuto edo bide horren hasieran eta amaieran helmuga bat. Ordenagailuko teklatuaren bidez pilota helmugara eramatea zen helburua, baina bidean zirkuitotik irtenez gero, pilota hasierara bueltatzten zen.

Ariketa hau oso interesgarria izan daiteke haurrekin egiteko, horrela modu dibertigarrian Scratch baliabidea erabiltzen hasiko dira eta behin jakintza minimo bat dutenean, gauza konplexuagoak egiten ausartuko dira. Izan ere dibertigarria da garatzen den jolas sinple hau eta gero eta gauza bitxi eta konplikatuagoak sortzera bultzatuko dute euren burua.

Sarean Scratch-aren bitartez sorturiko ariketa batzuk ikusi ahal izan ditut eta horieta pare bat oso polit eta interesgarriak iruditu zaizkit. Scratcharen bidez uraren zikloa lantzeko adibide bat ikusi dut eta oso ondo dagoela iruditu zait. Erabilgarria izan liteke haurrekin lantzeko, horrela, irakasteko modu tradizionala alde batera utzi eta gero eta indar handiagoa duten teknologia berriak aprobetxatu ahal genituzke. Esandako ariketa mod honetan proposatuko nuke: atzekaldeko argazki edo imajen bat aukeratu, bertan mendi zein itsasoa agertzen direlarik eta hortik abiatuz, horren gainean azalpenak eman. Adb. Euria azaltzean, imajenaren goiko aldean mugitzen diren hodeiak irudikatu eta baita euria ere.

Hona hemen aipaturiko bideoa: 




Ebaluazioari dagokionean, ebaluazio jarraia erabiliko nuke. Hau da, garrantzia minimoa emango nion ikasleek sortutakoaren azken emaitzari baizik eta ikasle bakoitzak zituen ezagutzak kontuan izanik zenbat garatu duten berau hartuko nuke kontuan. Hauek prozesuan azaldutako jarrera eta errekurtsoarekiko interesa ere oso kontuan hartuko nituzke.

BLOG-aren EBALUAZIOA

Imanol Irurtzun-en "Teknologia berriak" izenpean dagoen bloga aztertu eta baloratuko dut jarraian. Horretarako, aurretik ezarritako irizpide batzuk erabiliko ditut.

Aipaturiko ikaslearen oharrak, hau da blogean dituen apunte edo ideiei dagokionez, gehienak jasoak ta landuak ditu. Hauek modu egokian daude eta ohar ugari ageri dira, baina ez denak. Horregatik 3=Ondo batekin baloratuko nuke.

Analisia eta gogoetari dagokionean, oso ondo moldatu da. Datuak modu argian azaltzen ditu, teoriarekin uztartuz eta bere gogoetak ere idazten ditu. Beraz, 4=Oso Ondo bat merezi duela esango nuke.

Sormena eta orijinaltasunari dagokioenean ere, ez du inongo arazorik izan, irudiak sartu ditu oharrekin batera, gogoeta pertsonalak ere agertzen dira aurretik aipatu dudan moduan eta informazio gehigarria ere sartu du bideo batzuen laguntzaz baliatuz. Beraz, baldintza guzti hauek betetzen dituenez 4= Oso Ondo moduan baloratuko nuke.

Atalen arteko lotura eta koherentzia, baloratu beharreko urrengo puntua. Blog-eko sarrera bakoitza gai baten inguruan da, beraz beraien artean lotura duten esatea oso erlatiboa da. Bloga, IKT edo teknologia berrien ingurukoa da eta blogeko sarrera guztiak horren ingurukoak dira, beraz koherenta da. 4=Oso Ondo.

Hizkuntza modu egokian darabil, akats ortografiko edo gramatikalik gabe, bikain beraz. 4=Oso Ondo.

Aurkezpena, sinplea da, detaile txiki batzuk dituelarik. Horrek ordea dotorezia ematen dio blog-ari. Ez ditu beharrezkoak ez diren elemmentuak sartzen bloga betetze aldera, eta dituen apaingarriak dotorezia puntua ematen diote 4=Oso Ondo batekin baloratuko nuke beraz.

Nire iritzia hauxe izan da beraz, bloga ikusteko hona hemen link-a: http://sasibloga.blogspot.com.es/

Cristóbal Cobo Romaní

Aztertu beri dudan testu honetan, Cobo Romaník dioena ideia honetan laburtu genezake: iraganeko akatsetatik ikasi eta hauek zuzendu behar ditugula eta ez etorkizunari begira bizitzea baino.

 

Honen ustez, ez da nahikoa irakaskuntzan teknologia edo baliabide berriak sartzea, hauek modu esanguratsu baten erabiltzea litzateke kontua. ordenagailuak edo delakoak  hezkuntzan aplikatu eta arbel tradizionalak edo koadernoak bailiran erabiliz gero ez da inongo aldaketarik emango.

Ordenagailauak ikasgelatik ateratzeko aukera ematen duela ere komentatzen da eta oso ideia interesgarria deritzit horri. Honek, gauza guztiak gela barnean egin  beharrean, kanpora irten eta errealitatean gauzak bertatik-bertara ikusten ari garela garatzeko bidea ematen digu eta nire ustez horrela eraikitako jakintzak askoz ere sendoagoak dira.

Era bat ados nago beraz, Cristobal Cobo Romanik dioenarekin, nire ustez hezkuntzak porrot egin du eta guztia errotik aldatu beharko litzateke, zerotik abiatu. Historian zehar behin eta berriz egin ditugun akatsak ikertu, analizatu eta berriz ez errepikatu.

 

Esan bezala, ikasleak, ikagelatik atera behar du, bizi esperientzien bidez ikasten baita. Egun ordea, ahazturik dago hori eta uste dugu testuak ikastea nahiko dela.

 

Argi geratu da beraz, pedagogia berrien aldeko apustuaren alde agertzen naizela eta hezkuntzak aldaketa bortitzak behar dituela, lehen bait lehen gainera.